Լավրով. Նախարարների խորհրդում ՀԱՊԿ-ից Հայաստանի դուրս գալու ընթացակարգը չի քննարկվել

Հայաստանը ՀԱՊԿ-ից հնարավոր դուրս գալու վերաբերյալ փաստաթղթեր չի ուղարկել, ուստի այդ հարցը ՀԱՊԿ ԱԳ նախարարների խորհրդում չի քննարկվել, ասել է ՌԴ ԱԳ նախարար Սերգեյ Լավրովը։

«Պատասխանը միանգամից «ոչ»-ն է։ ՀԱՊԿ-ից Հայաստանի դուրս գալու ընթացակարգը չի քննարկվել, քանի որ համապատասխան հարցում չի ստացվել»,-ասել է Լավրովը ՀԱՊԿ ԱԳ նախարարների խորհրդի նիստից հետո կայացած ճեպազրույցում՝ պատասխանելով հարցին, թե արդյոք քննարկվե՞լ է Կազմակերպությունից Հայաստանի դուրս գալու հնարավոր ընթացակարգը։