Բլինքենն ու Ալիևը քննարկել են հայ-ադրբեջանական հարաբերությունների կարգավորման գործընթացը

ԱՄՆ պետքարտուղար Էնթոնի Բլինքենը նախօրեին զրուցել է Ադրբեջանի նախագահ Իլհամ Ալիևի հետ։ Նրանց զրույցի մասին հայտարարել է Պետդեպարտամենտի մամուլի ծառայության ղեկավար Մեթյու Միլլերը։

Բլինքենն ու Ալիևը քննարկել են ադրբեջանա-հայկական հարաբերությունների կարգավորման գործընթացը։

Պետդեպարտամենտի փոխանցմամբ, Բլինքենը շեշտել է խաղաղության համաձայնագրի ուղղությամբ Հայաստանի և Ադրբեջանի շարունակական առաջընթացը և ընդգծել անհապաղ համաձայնագրի կնքման կարևորությունը՝ վերահստատելով  Միացյալ Նահանգների աջացությունը կողմերին։ 

«Բլինքենը կրկին կոչ է արել Ադրբեջանին պահպանել իր միջազգային և մարդու իրավունքների պարտավորությունները և ազատ արձակել բոլոր անարդարացիորեն ձերբակալվածներին։ Նա կոչ է արել Ադրբեջանին դա անել հնարավորինս շուտ»,- ասել է ամերիկյան արտաքին քաղաքականության գերատեսչության պաշտոնական ներկայացուցիչը։