Հայաստանի բասկետբոլի հավաքականը դարձել է Լոս Անջելեսի միջազգային մրցաշարի հաղթող

Հայաստանի բասկետբոլի ֆեդերացիայի մամուլի քարտուղարությունից հայտնում են, որ Հայաստանի բասկետբոլի ազգային հավաքականը Լոս Անջելեսում միջազգային մրցաշարում անցկացրել է երկրորդ հանդիպումը՝ ուժերը չափելով Իռլանդիայի հետ:

Գերլարված խաղում Հայաստանի հավաքականը հաղթանակ է տոնել 92:91 հաշվով և դարձել առաջնության հաղթող:

Հանդիպման ամենաարդյունավետ խաղացողը եղել է Անդրե Սպայթ Մկրտչյանը, որը վաստակել է 26 միավոր, 10 անգամ տիրել է օղակից անդրադարձող գնդակին և կատարել 6 արդյունավետ փոխանցում:

Առաջին խաղում Հայաստանի ընտրանին առավելության էր հասել Գվատեմալայի նկատմամբ: