Եվրո-2024. Լեհաստանի դեմ խաղում Մբապեն կլինի Ֆրանսիայի հավաքականի մեկնարկային կազմում

Այսօր Եվրո-2024-ի շրջանակում Ֆրանսիայի հավաքականը կխաղա Լեհաստանի ընտրանու հետ։ Մեկնարկը նախատեսված է Երևանի ժամանակով 20:00-ին:

sport.ru կայքը, հղում անելով RMC Sport-ին, գրում է, որ Ֆրանսիայի հավաքականի հարձակվող Կիլիան Մբապեն դուրս կգա խաղադաշտ, նա մեկնարկային կազմում է։ Ավելի վաղ ավստրիացիների հետ խաղում նա քթի վնասվածք էր ստացել։

Այդ կապակցությամբ ֆուտբոլիստը հանդես կգա դիմակով։