Քննարկվում է հեղեղումներից տուժած բնակիչներին և տնտեսվարողներին փոխհատուցում տրամադրելու կարգը

Լոռու մարզպետ Արամ Ղազարյանն այսօր այցելել է Ալավերդի համայնք, հետևել Սանահին կայարան թաղամասում ջրամատակարարման և ջրահեռացման համակարգի հիմնանորոգման աշխատանքներին։

Մարզի ղեկավարն այստեղ հանդիպել է նաև թաղամասի ավտոմոբիլային կամրջի վերականգնման նպատակով ՏԿԵ նախարարության կողմից գործուղված մասնագետների հետ։ Լոռու մարզապետարնի հաղորդմամբ, նրանց հետ քննարկվել են  աշխատանքների մեկնարկի հետ կապված մի շարք հարցեր։

Ա․ Ղազարյանը հանդիպել է նաև թաղամասի բնակիչների հետ, նրանց ներկայացրել աղետի գոտում իրականացվող աշխատանքները, նշել, որ քննարկվում է հեղեղումներից տուժած բնակիչներին և տնտեսվարողներին փոխհատուցում տրամադրելու կարգը, լսել նրանց կողմից բարձրացված խնդիրները, առաջարկությունները։