Մակրոնի կաոալիցիան պարտվել է խորհրդարանական ընտրությունների առաջին փուլում

Մարի Լը Պենի աջ արմատական «Ազգային միավորում» կուսակցությունն առաջատարն է Ֆրանսիայում կայացած խորհրդարանական ընտրությունների առաջին փուլի արդյունքներով։ Մակրոնի գլխավորած «Միասին հանուն հանրապետության» կոալիցիան երրորդն է։

Այս մասին գրում է Le Parisien թերթը՝ հղում անելով ՆԳՆ տվյալներին։

«Ազգային միավորում» կուսակցությունը ստացել է ձայների 33,4 տոկոսը, երկրորդ տեղում «Նոր ժողովրդական ճակատ» դաշինքն է 27,98 տոկոս ձայնով, իսկ Մակրոնի կոալիցիան  ստացել է ընդամենը 20,76 տոկոս ձայն։