Տեր Հեթում. Դեպի Ախթալա ճանապարհները բաց են

«Սիրելի հայրենակիցներ, ևս մեկ անգամ հայտնում ենք, որ դեպի Ախթալա ճանապարհները բաց են և անցանելի»,- իրազեկում է Գուգարաց թեմի Ախթալայի եւ հարակից գյուղերի հոգեւոր հովիվ տեր Հեթում քահանա Թարվերդյանը։

Նա հորդորում է՝ չտրվել կեղծ լուրերին։

«Եկեք վայելելու Ախթալայի հրաշք բնությունը եւ ստանալու Սուրբ Աստվածածին վանքի օրհնությունը»,-նշում է քահանան։

Հիշեցնենք, որ տևական ժամանակ Ախթալա տանող ճանապարհը փակվել էր ջրհեղեղի հետևանքով։