Ֆրանսիայի հավաքականի մարզչի օգնականը խոսել է Մբապեի մարզավիճակի մասին

Ֆրանսիայի ֆուտբոլի ազգային հավաքականի գլխավոր մարզչի օգնական Գի Ստեֆանը Եվրոպայի առաջնության 1/4 եզրափակչում Պորտուգալիայի դեմ խաղից առաջ խոսել է հարձակվող Կիլիան Մբապեի ֆիզիկական վիճակի մասին։

«Մենք թերագնահատեցինք նրա վնասվածքն ու քթի կոտրվածքը։ Մրցաշրջանը ծանր ավարտ ունեցավ նրա համար։  Նա շատ կենտրոնացած է և փորձում է իր ներդրումն ունենալ նախապատրաստման գործում»,- sport.ru-ի հաղորդմամբ, Գայ Ստեֆանի խոսքերն է մեջբերում L’Equipe-ը։

Հիշեցնենք, որ Ավստրիայի հավաքականի դեմ խմբային փուլի 1-ին տուրի խաղում (1:0) Մբապեն քթի կոտրվածք էր ստացել։ Դրա պատճառով հարձակվողը ստիպված է դիմակ կրել, ինչը, նրա խոսքով, շատ է խանգարում։

Ֆրանսիան քառորդ եզրափակչում կհանդիպի Պորտուգալիայի հետ։ Հանդիպումը կկայանա հուլիսի 5-ին Երևանի ժամանակով 23:00-ին: