ՊԵԿ-ը spin է անում...Իրականությունն այն է, որ այս տարվա բյուջեի եկամուտները թերակատարվում են. Հայկազ Ֆանյան

«Մոդեքս» խորհրդատվական ընկերության տնօրեն Հայկազ Ֆանյանը գրում է.

«ՊԵԿ-ը օպերատիվորեն տեղեկատվություն է հրապարակում պետական բյուջեի հարկային եկամուտների և պետական տուրքերի կատարողականի բացարձակ ցուցանիշների վերաբերյալ՝ արձանագրելով, որ նախորդ տարվա նկատմամբ աճ է արձանագրվել, սակայն միտումնավոր չի նշում փաստացի կատարողականի վերաբերյալ, այսինքն պլանի նկատմամբ հավաքագրումները ինչքանով են թերակատարվել․․․

Հաղորդակցությունների, քաղաքականության մեջ այդ երևույթը կոչվում է spin - երբ փաստերի մեկնաբանությունը իրականացվում է կողմնակալ կերպով՝ նպատակ ունենալով հանրության մեջ ձևավորելու դրական կարծիք․․․

Իսկ իրականությունն այն է, որ այս տարվա բյուջեի եկամուտները թերակատարվում են, դրանից բխող բոլոր բացասական հետևանքներով․․․»։