Աշոտյանը քաղբանտարկյալ է, իսկ քաղբանտարկյալի ճակատագիրը որոշվում է քաղաքական մեթոդներով. Պաշտպան

ՀՀԿ փոխնախագահ Արմեն Աշոտյանի գործով այսօրվա դատական նիստին քննարկվելու է խափանման միջոցի հարցը։ Նախքան դատական նիստը պաշտպան Տիգրան Աթանեսյանն ասաց, որ Արմեն Աշոտյանը քաղաքական բանտարկյալ է, իսկ քաղաքական բանտարկյալների ճակատագիրը որոշվում է քաղաքական մեթոդներով։

«Որպեսզի լինի սպասելիք, պետք է լինի դատարան, չկա դատարան, չկա սպասելիք։
Եթե լինի  ներկայիս ոչ բարով ղեկավարի որոշումը, որ Արմենն ազատ արձակվի, նրան ազատ կարձակեն, նույնիսկ եթե մենք դեմ լինենք»,- ասաց Աթանեսյանը։