Ֆրանսիայի լեգենդ Պետին Մբապեին անհաջողակ է անվանել Եվրո-2024-ում ցուցաբերած խաղի համար

Ֆրանսիայի հավաքականի աշխարհի և Եվրոպայի չեմպիոն Էմանուել Պետին քննադատել է հարձակվող Կիլիան Մբապեին՝ Եվրո-2024-ում ցուցադրած խաղի համար:

«Ինձ համար Մբապեն միանշանակ լավ ավագ չէ: Մի՞թե կապիտանի դերը մատնանշելն է իր թիմակիցների թերությունները: Բայց Կիլիանը նույնիսկ դրանում լավ չէր: Նրա դիմակի կամ կոտրված քթի շուրջ այս ամբողջ աղմուկը.: Արդյո՞ք Մբապեն առաջինն է, ով խաղում է կոտրված քթով։ Նա չի ցուցադրել առաջատարի որակներ ոչ դաշտում, ոչ էլ դրա սահմաններից դուրս:

Շատ լավ հիշում եմ նրա հայտարարությունները Եվրոպայի առաջնության մեկնարկից առաջ, որտեղ նա ասում էր. «Ինձ ավելի շատ մտահոգում է իմ մտավոր ուժը, քան ֆիզիկական աշխատանքը»:

Բայց հոգեպես ձախողվեց, ֆիզիկապես ձախողվեց, որպես կապիտան լիակատար ձախողում էր։ Ինձ համար Մբապեն արժանի չէ ազգային հավաքականում ավագի թևկապին»,- sport.ru-ի հաղորդմամբ, Պետիի խոսքերն է մեջբերում RMC Sport-ը։

Ֆրանսիայի հավաքականը Եվրո-2024-ի կիսաեզրափակչում 1։2 հաշվով պարտվել է Իսպանիային և ավարտել իր մասնակցությունը մրցաշարին։ Գերմանիայում ընթացող Եվրոպայի առաջնությունում Կիլիան Մբապեն հինգ խաղում դարձել է մեկ գոլի (11 մետրանոց) և մեկ գոլային փոխանցման հեղինակ։