ՈՒՂԻՂ. Գերասիմ Վարդանյան. Քանի Արցախը ազատ չի, ես չեմ լռելու, պայքարը շարունակվում է

Երևանի ընդհանուր իրավասության դատարանի Կենտրոն նստավայրում մեկնարկեց դաշնակցական գործիչ Գերասիմ Վարդանյանի դեմ հարուցված քրեկան գործով նիստը։

«Ես այստեղ երկու տարի առաջ ասացի, եթե մենք գնանք այս ճանապարհով, Արցախը չի լինի։ Հիմա ես ասում եմ, ես չգիտեմ՝ երկու տարի հետո Հայաստանը կլինի՞, թե՞ ոչ։ Հաջորդ անգամ ինձ որտե՞ղ կդատեն, գուցե Բաքվի բանտում։ Այս ամենն արվում է  ինձ լռեցնելու համար, ես կարող եմ ասել, քանի Արցախը ազատ չի, ես չեմ լռելու, ինձ ոչ լռեցնել, ոչ հնազանդեցնել է հնարավոր»,-դատարանի դահլիճում հայտարարեց Գերասիմ Վարդանյանը։

Վարդանյանը դատարանին ներկայացրեց իր նոր պաշտպաններին։ Միջնորդեց նիստը հետաձգել, որպեսզի նրանք վարույթի նյութերին ծանոթանալու հնարավորություն ունենան։