Դանիան դադարեցրել է ռազմական օգնություն ցուցաբերել Վրաստանին

Դանիան դադարեցրել է ռազմական օգնությունը Վրաստանին «Օտարերկրյա ազդեցության թափանցիկության մասին» օրենքի պատճառով (օտարերկրյա գործակալների մասին օրենք): «Գազետա ռու»-ն գրում է, որ այդ մասին հայտնել է Վրաստանի խորհրդարանի պատգամավոր Թեոնա Ակուբարդիան՝ հղում անելով Դանիայի ԱԳՆ-ի նամակին։

Թագավորությունը Վրաստանին ռազմական օգնություն է սկսել տրամադրել 2023 թվականից, բյուջեն կազմել է 71,5 միլիոն դանիական կրոն (մոտ 10,376 միլիոն դոլար):

Բացի այդ, նամակի համաձայն, Դանիան Վրաստանի կառավարությանը կոչ է անում վերադառնալ եվրատլանտյան ուղի, հետևել Եվրամիության բարեփոխումների ծրագրին, որը, ինչպես նշել է Ակուբարդիան, Դանիայի և Վրաստանի միջև ամուր երկկողմ կապերի հիմքն է։