Հարցումը ցույց է տալիս, որ Թրամփը հինգ կետով առաջ է Հարիսից

ԱՄՆ-ի նախկին նախագահ և հանրապետական թեկնածու Դոնալդ Թրամփը հավանական ընտրողների շրջանում 5 տոկոսային կետով առաջ է անցել փոխնախագահ և դեմոկրատական կուսակցության հավանական թեկնածու Քամալա Հարիսից։ «ՌԻԱ նովոստի»-ի փոխանցմամբ, ասվում է Rasmussen Reports սոցիոլոգիական ընկերության հարցման մեջ:

Հարցման արդյունքների համաձայն՝ Թրամփի և Հարիսի միջև ընտրություն կատարելիս հարցվածների 49%-ը նախընտրել է հանրապետականին, իսկ 44%-ը՝ դեմոկրատին։ Հարցվածների ևս 4%-ն ասել է, որ կքվեարկի այլ թեկնածուի օգտին, իսկ 2%-ը չի կարող որոշել իր ընտրությունը։

Հարցումն անցկացվել է հուլիսի 24-25-ը ԱՄՆ 2163 քաղաքացիների շրջանում, ովքեր հայտարարել են նախագահական ընտրություններում քվեարկելու իրենց մտադրության մասին։ Սխալի հավանականությունը երկու տոկոսային կետ է: