Օլիմպիական խաղերը Ֆրանսիայի նախագահ Մակրոնի պատճառով ավարտվել են սկանդալով

Փարիզում  Օլիմպիական խաղերի փակման արարողությանը «Ստադ դե Ֆրանս» եկած երկրպագուներն արտահայտել են իրենց քաղաքացիական դիրքորոշումը։ Հանդիսատեսը սուլել է Օլիմպիական խաղերն ընդունող երկրի նախագահ Էմանուել Մակրոնին։

sport.ru-ն գրում է, որ Մակրոնն ավանդաբար բարձրացել է ամբիոն՝ հնչեցնելու իր եզրափակիչ խոսքը։ Այդ պահին լսվել է ուժեղ սուլոց։ Հանդիսատեսի այս պահվածքի պատճառով Մակրոնն անմիջապես չի կարողացել սկսել իր ելույթը։

2024 թվականի Օլիմպիական խաղերը տեղի են ունեցել հուլիսի 27-ից օգոստոսի 11-ը։
Ընդհանուր հաշվարկում հաղթել է ԱՄՆ-ի հավաքականը՝ նվաճելով 126 մեդալ։ Ամերիկացիներն ունեն 40 ոսկե, 44 արծաթե և 42 բրոնզե մրցանակ։ Երկրորդ տեղում է Չինաստանի հավաքականը 94 մեդալով՝ 40 ոսկե, 27 արծաթե և 24 բրոնզե։ Երրորդ տեղը զբաղեցրել է Ճապոնիայի հավաքականը, որը նվաճել է 45 մեդալ, այդ թվում՝ 20 ոսկե, 12 արծաթե և 13 բրոնզե։