Բաքվում քննարկվել են թուրք-ադրբեջանական ռազմատեխնիկական համագործակցության հարցերը

Ադրբեջանի պաշտպանության փոխնախարար Ագիլ Գուրբանովը Բաքվում հանդիպել է թուրքական պատվիրակության հետ՝ Թուրքիայի նախագահի աշխատակազմի պաշտպանական արդյունաբերության կոմիտեի նախագահ Հալուք Գյորգյունի գլխավորությամբ։ Այդ մասին հայտնում են ադրբեջանական լրատվամիջոցները։

ՊՆ կայքում հրապարակված հաղորդագրության համաձայն, Ադրբեջանում Թուրքիայի դեսպան Ջահիթ Բաղջիի և Թուրքիայի առաջատար ռազմարդյունաբերական ընկերությունների ղեկավարության մասնակցությամբ հանդիպմանը քննարկվել են ռազմական և ռազմատեխնիկական համագործակցության հարցերը։