Վերին Լարսի ճանապարհին ժամանակավոր սահմանափակումներ են մտցվում

Վերին Լարսի ճանապարհին` Վրաստանի հատվածում, ժամանակավոր սահմանափակումներ են մտցվում, կփակվի Դևդորակի թունելը։ Այս մասին հայտնում է Վրաստանի տարածաշրջանային զարգացման և ենթակառուցվածքների նախարարության ավտոմոբիլային ճանապարհների դեպարտամենտը։

«Միջազգային Մցխեթա-Ստեփանծմինդա-Լարս ավտոճանապարհի 132-135 կիլոմետրում գտնվող Դևդորակի ավտոմոբիլային թունելում (Ռուսաստանի Դաշնության հետ սահման) օգոստոսի 15-ին, 16-ին և 17-ին պրոֆիլակտիկ աշխատանքներ իրականացնելու նպատակով ժամը 10:00-19:00 բոլոր տեսակի տրանսպորտային միջոցների երթևեկությունը սահմանափակվում  է»,- ասվում է հաղորդագրության մեջ։

ՏԱՍՍ-ի հաղորդմամբ, աշխատանքի ընթացքում վարորդներին կառաջարկվի օգտվել շրջանցիկ ճանապարհից։