Թրամփը 300 հազար դոլար է վաստակել՝ վաճառելով Աստվածաշունչը

ԱՄՆ նախկին նախագահ Դոնալդ Թրամփը 300 հազար դոլար է վաստակել՝ վաճառելով բրենդային Աստվածաշնչեր։ Այդ մասին հայտնում է NBC News-ը՝ վկայակոչելով ֆինանսական հաշվետվությունները։

Մինչ այդ հայտնի էր դարձել, որ Թրամփը սկսել է գովազդել 59,99 դոլար արժողությամբ Աստվածաշունչը: Նշվում է, որ Աստվածաշունչը« Ջեյմս արքայի»  դասական թարգմանությամբ առաջարկվում է ԱՄՆ Սահմանադրության  իրավունքների օրինագծի, Անկախության հռչակագրի, հավատարմության երդման տեքստերով և «Աստված օրհնի Ամերիկան» երգի փաթեթով, որը պարբերաբար երգում են Թրամփի նախընտրական արշավի ժամանակ։

«Թրամփը 300 հազար դոլար է վաստակել բրենդավորված Աստվածաշնչի վաճառքից»,- ասվում է զեկույցում։