Ցինցինատիի մրցաշար. Էլինա Ավանեսյանը դուրս է եկել 1/8 եզրափակիչ

Թենիսիստուհի Էլինա Ավանեսյանը, ով նախկինում ներկայացնում էր Ռուսաստանը, իսկ այժմ հանդես է գալիս Հայաստանի դրոշի ներքո, դուրս է եկել Ցինցինատում  (ԱՄՆ) անցկացվող WTA-1000  մրցաշարի 1/8 եզրափակիչ։

Նա հաղթել է լատվիացի, աշխարհի 11-րդ ռակետ Ելենա Օստապենկոյի։ Խաղը տևել է 1 ժամ 38 րոպե և ավարտվել 2:6, 6:2, 6:2 հաշվով՝ հօգուտ Ավանեսյանի։

Էլինայի հաջորդ մրցակիցը Լյուդմիլա Սամսոնովա–Մագդա Լինետ զույգի հաղթողն է։

Ցինցինատիի մրցաշարը անցկացվում է օգոստոսի 13-19-ը։ Մրցանակային ֆոնդը կազմում է 3,211,715 դոլար։