Իսրայելն ընդունում է Գազայում հրադադարի մասին ԱՄՆ-ի առաջարկները. Բլինքեն

Իսրայելը համաձայնել է Գազայի հատվածում հրադադարի մասին ԱՄՆ լրացուցիչ առաջարկներին։ «ՌԻԱ նովոստի»-ն տեղեկացնում է, որ այդ մասին հայտարարել է ԱՄՆ պետքարտուղար Էնթոնի Բլինքենը։

«Վարչապետ Նեթանյահուն հավանություն է տվել լրացուցիչ առաջարկներին, և մենք ակնկալում ենք, որ Համասը նույնը կանի», -ասել է նա:

Ինչպես նշել է Բլինքենը, Գազայի վերաբերյալ գործարքի նախագիծն արտացոլում է Սպիտակ տան նախագահ Ջո Բայդենի կողմից դեռ մայիսին հնչեցրած առաջարկները և նախատեսում է ռազմական գործողությունների փուլային դադարեցում։

Նրա խոսքով՝ նախնական զինադադարը կտևի վեց ամիս, այն ներառում է գերիների ազատ արձակում և փոխանակում, ինչպես նաև հրադադարի պայմանների շուրջ բանակցությունների մեկնարկ։