Մեր ուժերը վերահսկում են թշնամու ավելի քան 1250 ք/կմ տարածք և 92 բնակավայր. Զելենսկի

Ռուսաստանի Դաշնության Կուրսկի շրջանում ուկրաինական գործողությունը շարունակվում է. Ուկրաինայի զինված ուժերի վերահսկողության տակ գտնվող արդեն 92 բնակավայր կա։ Հայտնում է Unian լրատվական գործակալությունը։

Այս մասին հայտարարել է Ուկրաինայի նախագահ Վլադիմիր Զելենսկին՝ ելույթ ունենալով Ուկրաինայի օտարերկրյա դիվանագիտական հաստատությունների ղեկավարների«Ռազմական դիվանագիտություն. տոկունություն, զենք, հաղթանակ» խորագրով  հանդիպման ժամանակ։ Նշվում է, որ ուկրաինացի զինվորականները վերահսկում են Կուրսկի շրջանի ավելի քան 1250 ք/կմ տարածք։

«Այսօր մեր ուժերը վերահսկում են թշնամու ավելի քան 1250 ք/կմ տարածք և 92 բնակավայր»,-հայտարարել է Զելենսկին։