Միհրան Պողոսյանի կուսակցության փոխնախագահն ու մամուլի խոսնակը ձերբակալվել էին «կասկածանքով»

ՀՀ ԱԺ նախկին պատգամավոր, ԴԱՀԿ ծառայության նախկին պետ Միհրան Պողոսյանի «Հայոց համազգային միասնություն» կուսակցության փոխնախագահ Արարատ Ավետիսյանը և մամուլի խոսնակ Հայկ Ստեփանյանն ազատ են արձակվել:

«Կասկածանքով ձերբակալվել են և ազատ են արձակվել»,- Panorama.am-ին միայն այսքանը փոխանցեց ՆԳՆ մամուլի խոսնակ Նարեկ Սարգսյանը։

Հիշեցնենք, որ կուսակցության ֆեյսբուքյան էջով ավելի վաղ հայտնել էին Ա.Ավետիսյանի և Հ. Ստեփանյանի ձերբակալության մասին։

«Քիչ առաջ առանց որևէ իրավական հիմնավորման ձերբակալվել են ՀՀՄ կուսակցության փոխնախագահ Արարատ Ավետիսյանը և մամլո խոսնակ Հայկ Ստեփանյանը։

Տեղի ունեցածը գործող վարչախմբի կողմից «Հայոց համազգային միասնություն» կուսակցությանը «վախեցնելու» հերթական ապարդյուն փորձն», - ասված է կուսակցության տարածած հաղորդագրության մեջ: