Պակիստան-Իրան սահմանին ահաբեկչություն է տեղի ունեցել, կան զոհեր, վիրավորներ

Իրանի հետ սահմանակից Պակիստանի Բելուջիստան նահանգում հզոր ինքնաշեն պայթուցիկ սարք է գործի դրվել կայանված մոտոցիկլետի մեջ։

Վեստի.ռու-ն գրում է, որ պայթյունը տեղի է ունեցել շրջանի ոստիկանապետի տեղակալի գրասենյակի մոտ։ Երկու երեխա և մեկ կին զոհվել են, 13 մարդ վիրավորվել է, այդ թվում՝ երկու ոստիկան։

Ռիա նովոստին հայտնում է, որ միջադեպը տեղի է ունեցել Պիշին թաղամասում՝ մեծ շուկայի մոտ, որը միշտ շատ մարդաշատ է։