Ցածր է գնահատվել եվրասիական տարածաշրջանում կապիկի ծաղիկի տարածման վտանգը

ԵԱՏՄ գլխավոր սանիտարական բժիշկների խորհուրդը ցածր է գնահատում Եվրասիական տարածաշրջանում կապիկի ծաղիկի տարածման ռիսկը։ ՏԱՍՍ-ի հաղորդմամբ, Ռոսպոտրեբնադզորի մամուլի ծառայությունից հայտնել են, որ տարածաշրջանի բոլոր երկրները սահմանին ուժեղացված սանիտարական հսկողություն են մտցրել։

«Խորհրդի անդամների կարծիքով, ԵԱՏՄ անդամ երկրներում, Տաջիկստանում և Ուզբեկստանում կապիկի ծաղիկի տարածման ռիսկը ցածր է գնահատվում։ Մասնակիցները քննարկել են իրականացվող հակահամաճարակային միջոցառումները։ Եվրասիական տարածաշրջանի բոլոր երկրներն ուժեղացրել են սահմանին սանիտարական և կարանտինային հսկողության միջոցառումները»,- ասված է հաղորդագրության մեջ։

Մամուլի ծառայությունը հավելել է, որ Ռոսպոտրեբնադզորը կշարունակի համագործակցել եվրասիական տարածաշրջանի երկրների հետ վարակների կանխարգելման և դրանց տարածման դեմ պայքարելու համար։

Հիշեցնենք, որ ԱՀԿ-ի գլխավոր տնօրենը 2 տարվա ընթացքում երկրորդ անգամ հայտարարել է կապիկի ծաղիկը՝ Mփոքսը` որպես միջազգային նշանակության հանրային առողջության արտակարգ իրավիճակ։ 

Հիվանդության գաղտնի շրջանը սովորաբար տևում է 5-21 օր, բնորոշ ախտանշաններն են՝
• ցան
• տենդ
• սաստիկ գլխացավ
• ավշային հանգույցների մեծացում
• ցավ մեջքի շրջանում
• մկանացավ
• արտահայտված թուլություն

Տենդի սկզբից 1-3 օր անց ի հայտ է գալիս ցանավորումը, ցանը սկսվում է դեմքի շրջանից և ապա տարածվում մարմնի տարբեր հատվածներում:

Չնայած այն փաստին, որ հիվանդությունն ընթանում է շատ ավելի թեթև, ախտանշաններն ինքնուրույն անհետանում են մի քանի շաբաթվա ընթացքում, սակայն որոշ դեպքերում այն կարող է հանգեցնել բարդությունների և նույնիսկ մահվան (մահաբերությունը՝ 1%-10%):

Կապիկի ծաղկի կանխարգելման նապատակով անհրաժեշտ է`
• խուսափել ախտանշաններ ունեցող անձի հետ երկարատև սերտ շփումից
• չներկրել Էկզոտիկ կապիկներ (պրիմատներ) և կրծողներ,
կենդանական միս կամ դրանց մասեր պարունակող բոլոր մթերքները ենթարկել բավարար ջերմային մշակման,
• կենդանաբանական այգիներ այցելելիս խուսափել կապիկների և կրծողների հետ շփումներից։
• Եթե ճամփորդել եք Աֆրիկա կամ շփում եք ունեցել այնտեղից վերադարձած անձի հետ՝ մաշկի ցանավորման և այլ ախտանշանների դեպքում անմիջապես անհրաժեշտ է դիմել մասնագետի օգնությանը: