Ղրղզստանի հավաքականի ֆուտբոլիստը 5 տարով որակազրկվել է ուկրաինացի խաղացողի ծնոտը կոտրելու համար

Ղրղզստանի հավաքականի ֆուտբոլիստ Միրբեկ Ախմատալիևը հինգ տարով որակազրկվել է «Մուրաս Յունայթեդի» թիմակցի հետ կռվի համար։ Արմսպորտի փոխանցմամբ՝ այս մասին հայտնում է AKIpress-ը ՝ հղում տալով Ղրղզստանի ֆուտբոլային միությանը (KFU): 

Ծեծկռտուքը տեղի է ունեցել օգոստոսի 15-ին Բիշքեկում կայացած թիմի մարզման ժամանակ, և վնասվածք է ստացել ուկրաինացի կիսապաշտպան Եվգենի Թերզին։

Ակումբը խզել է պայմանագիրը Ախմատալիևի՝ որպես ծեծկռտուք հրահրողի հետ, և KFU-ի կարգապահական կոմիտեն նրան հինգ տարով հեռացրել է ֆուտբոլից։

Նշվում է, որ ակումբը աշխատանքից ազատել է նաև մարզչական շտաբին և մարզական տնօրենին: