Բոսնիա և Հերցեգովինայում ռազմական ուղղաթիռն ընկել է լիճը

Բոսնիա և Հերցեգովինայի (ԲՀ) զինված ուժերի ուղղաթիռն ընկել է լիճը, վիրավորվել է անձնակազմի մեկ անդամ։ Միջադեպի մասին հայտնում է Dnevni Avaz պորտալը։

ԲՀ զինված ուժերի ուղղաթիռը վթարի է ենթարկվել լճում՝ EUFOR խաղաղապահ առաքելության հետ վաղը կայանալիք ամենամյա համատեղ զորավարժությունների նախապատրաստման ժամանակ։

«Անձնակազմի բոլոր չորս անդամները փրկվել են, նրանցից մեկը վիրավորվել է և, ըստ նախնական տեղեկությունների, ուղարկվել է մոտակա հիվանդանոց»,-«ՌԻԱ նովոստի»-ի փոխանցմամբ, տեղական ոստիկանության մամուլի քարտուղար Լյուդևիտ Մարիչի խոսքերն է  մեջբերել լրատվական գործակալությունը։