Ճապոնիայում 18 մարդ վիրավորվել է միայնակ դելֆինի հարձակման հետևանքով

Միայնակ դելֆինին մեղադրել են Ճապոնիայի հարավում մարդկանց վրա բազմաթիվ հարձակումների մեջ։ Այդ մասին հայտնում է NBC-ն՝ վկայակոչելով ճապոնական NHK հեռուստաալիքին։

Անցյալ շաբաթ դելֆինը կծել էր 50-ամյա տղամարդուն երկու ձեռքերը, որը լողալով մոտեցել էր նրան Ֆուկուի պրեֆեկտուրայի Ցուրուգա քաղաքի լողափում: Նա վերջին մեկ ամսվա ընթացքում նույն դելֆինի հարձակման 18-րդ զոհն է։

Գիտնականները կարծում են, որ արու դելխինը, հավանաբար, պատասխանատու է վերջին մի քանի տարիների ընթացքում մարդկանց վրա մինչև 50 հարձակման համար: Հետազոտողները կարծում են, որ կենդանին ինչ-ինչ պատճառներով առանձնացել է դելֆինների խմբից և այժմ հարձակվում է լողորդների վրա, քանի որ միայնակ է։

«Եթե դելֆինները սոցիալապես մեկուսացված են, նրանք կարող են լինել բավականին կոպիտ, ագրեսիվ և կծող»,-ասում է Էլիզաբեթ Հոքինսը՝ Ավստրալական Դելֆինների հետազոտությունների կազմակերպության հիմնադիրը: