Վերին Լարսը կգործի ժամանակավոր սահմանափակումներով

Սեպտեմբերի 18-ից հոկտեմբերի 2-ը Վերին Լարսի անցակետում աշխատանքի ժամերը ժամանակավորապես կսահմանափակվեն։ Այս մասին հաղորդում է Վրաստանի ֆինանսների նախարարությունից։ 

Նշվում է, որ տեղական ժամանակով ժամը 06:00-ից մինչև 09:00-ն ճանապարհների վերանորոգման պատճառով բոլոր տեսակի տրանսպորտի անցումները փակ կլինեն:

«Միջազգային մայրուղու վրա հրատապ վերանորոգման աշխատանքներ են նախատեսվում, ինչի պատճառով աշխատանքների ընթացքում մեքենաների տեղաշարժը կդադարեցվի»,- նշված է հայտարարության մեջ։ 

Մնացած ժամերին երթևեկությունը կիրականացվի սովորական ռեժիմով։