Մալյան. Սիրունացել եմ, գիրքս եմ ավարտել, հետաքրքիր բաներ դեռ կլինեն

«Իմ ձերբակալության օրը Արցախը մերն էր, հիմա դուրս եմ գալիս... չգիտեմ, զգացողություն է, որ ես նոր եմ ապրում այդ կորստի ցավը»,- «Վարդաշեն» ՔԿՀ-ից դուրս գալուց հետո լրագրողների հետ զրույցում ասաց հասարակական գործիչ Նարեկ Մալյանը։

Նա հիշեցրեց, ձերբակալման մասին որոշումը եղել է անցած տարվա սեպտեմբերի 21-ին, դրանից հետո Անկախության տոնն մի նոր խորհուրդ ունի իր համար։

«Բանտը բավականին հետաքրքիր տեղ է, մտորումերի, ինքնամփոփվելու։ Փոխել է դեպի լավը։ Սիրունացել եմ, բոլորը սիրունացած են դուրս գալիս։ Ինձ թվում է՝ արդեն գործողությունների ժամանակն է։ Գիրքս եմ ավարտել՝ «Օտարերկրյա գործակալական ցանցի դեմ արդյունավետ պայքարի մեթոդաբանություն»։ այն թարգմանվելու է ռուսերեն, շուտով կլինի շնորհանդեսը»,-ասաց Մալյանը։

Շապիկի մասին հարցին ի պատասխան ասաց՝ դա իր սիրելի բրենդն է, հետաքրքիր բաներ դեռ կլինեն։