Լիբանանում կապի միջոցների պայթյունների զոհերի թիվը հասել է 25-ի

Չորեքշաբթի Լիբանանի տարբեր շրջաններում կապի սարքավորումների պայթյունի հետևանքով զոհերի թիվը հասել է 25-ի, վիրավորների թիվը հասել է 608-ի։ «ՌԻԱ նովոստի»-ն գրում է, որ  մամուլի ասուլիսի ժամանակ այդ մասին հայտնել է Լիբանանի առողջապահության նախարար Ֆիրաս Աբյադը։

Նախկինում առողջապահության նախարարությունը հայտնել էր 20 զոհի և 450 վիրավորի մասին։ Երեքշաբթի օրը փեյջերի պայթյունների հետևանքով զոհվեց 12 մարդ, վիրավորվեց մոտ 2800-ը:
«Քսանհինգ զոհ և 608 վիրավորներ կա չորեքշաբթի օրը տեղի ունեցած պայթյունի հետևանքով»,-ասել է Աբյադը:

Լիբանանի տարբեր շրջաններում սեպտեմբերի 17-ին և 18-ին պայթեցվել են կապի սարքավորումները, այդ թվում՝ փեյջերները և ռադիոկապի միջոցներ։ Առայժմ հայտնի չէ, թե ինչն է դարձել հազարավոր սարքերի միաժամանակյա պայթյունի պատճառ։ Հեզբոլլահը և Լիբանանի իշխանությունները կատարվածի համար մեղադրել են Իսրայելին։