Արևմտյան դեսպանները շնորհավորում են անկախության տոնը

Հայաստանում Եվրոպական միության պատվիրակության ղեկավար, դեսպան Վասիլիս Մարագոսն Անկախության օրվա կապակցությամբ շնորհավորել է հայ ժողովրդին։

 X-ի իր միկրոբլոգում նա գրել է.

«Հայաստանում Եվրոպական միության պատվիրակությունը շնորհավորում է ողջ հայ ժողովրդին՝ Անկախության տոնի առթիվ»։

Անկախության տոնի առթիվ շնորհավորել են նաև Հայաստանում Կանադայի դեսպանությունից.

«Շնորհավորու՜մ ենք անկախության տոնի առթիվ, Հայաստան»։

Կանադայում ՀՀ դեսպանությունից էլ հայտնել են, որ անկախության 33-րդ տարեդարձի կապակցությամբ սեպտեմբերի 21-ին, ժամը 10։00-ին Օտտավայի քաղաքապետարանի առջև տեղի կունենա ՀՀ դրոշի բարձրացման պաշտոնական արարողություն։