Աշխարհում արագորեն տարածվող կորոնավիրուսի նոր շտամի ախտանիշները նման են նախորդներին

Կորոնավիրուսի նոր ХЕС շտամն արագորեն տարածվում է, սակայն դրա ախտանիշները նման են վիրուսի նախորդ տարբերակներին։ ՏԱՍՍ-ի հաղորդմամբ, այս մասին լրագրողներին հայտնել են Ռոսպոտրեբնադզորի մամուլի ծառայությունից։

Նշվում է, որ նոր շտամը ստեղծվել է նախկինում հայտնի երկու օմիկրոնների՝ FLiRT - KS.1.1 և KP.3.3 վերամիավորման հետևանքով: XEC-ի ախտանիշները նման են նախորդ շտամներին՝ ջերմություն, կոկորդի ցավ, հազ, հոտի կորուստ, ախորժակի նվազում, մկանային ցավ, հոգնածություն, գլխացավ և քթահոսություն:

XEC-ն առաջին անգամ հայտնաբերվել է Գերմանիայում 2024 թվականի հունիսին և այնուհետև հայտնաբերվել է մի շարք երկրներում: «Այս տարբերակի առաջին դեպքերը գրանցվել են Իտալիայում մայիսին, սակայն այդ նմուշները միայն սեպտեմբերին են վերբեռնվել GISAID միջազգային տվյալների բազա, որը հետևում է SARS-CoV-2-ի տարբերակներին», - ասվում է մամուլի ծառայությունում: