ԱԳՆ-ն հաստատեց. Նյու Յորքում եռակողմ հանդիպում կկայանա

Սեպտեմբերի 26-ին Նյու Յորքում կկայանա ՀՀ ԱԳ նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի եռակողմ հանդիպումը: Այս մասին Panorama.am-ին հայտնեց ԱԳՆ խոսնակ Անի Բադալյանը։

Ավելի վաղ ադրբեջանական մամուլը, վկայակոչելով իր դիվանագիտական աղբյուրները, գրել էր, որ ԱՄՆ պետքարտուղար Էնթոնի Բլինքենը վաղը Նյու Յորքում կհանդիպի Հայաստանի ու Ադրբեջանի ԱԳ նախարարներին՝ խաղաղ բանակցությունների «եզրափակիչ փուլի» անցկացման նպատակով։