Ինձ կոնկրետ այս պահին չի հետաքրքրում՝ էլ ով կա, եկեղեցին հրավիրել է, ես եկել եմ. Լևոն Քոչարյան

«Չգիտեմ` ով է մասնակցում։ Ես իմ անունով հրավեր եմ ստացել և մասնակցում եմ Մյուռոնօրհնեքի արարողությանը»,- լրագրողներին ասաց «Հայաստան» խմբակցության պատգամավոր Լևոն Քոչարյանը, ով կնոջ՝ երգչուհի Սիրուշոյի հետ մասնակցում է Սրբալույս Մյուռոնի օրհնության արարողությանը։

Նա նշեց. «Ինձ կոնկրետ այս պահին այսօր չի հետաքրքրում էլ ով կա, եկեղեցին ինձ հրավիրել է, ես եկել եմ»։

Լ. Քոչարյանն ասաց, որ վաղը կայանալիք Մայր տաճարի օծման արարողությանը չի մասնակցելու։