Իրանը սպառնում է հարձակվել Իսրայելի նավթավերամշակման գործարանների և գազի հանքավայրերի վրա

ԱՄՆ-ն Իսրայելին աջակցում է միայն Մերձավոր Արևելքի բոլոր ռեսուրսները տիրանալու համար։ ՏԱՍՍ-ի փոխանցմամբ, այդ մասին հայտարարել է Իրանի գերագույն առաջնորդ Ալի Խամենեին Թեհրանում ուրբաթօրյա աղոթքի ժամանակ, որը հեռարձակել է IRIB հեռուստաալիքը։

«Միացյալ Նահանգների և նրա մեղսակիցների աջակցությունը ուզուրպատոր ռեժիմին միայն շղարշ է այն քաղաքականության, որով այդ ռեժիմը ցանկանում են վերածել տարածաշրջանում բոլոր ռեսուրսները զավթելու գործիքի։ Դրանից հետո այն կօգտագործեն համաշխարհային գլոբալ հակամարտություններում»,-ասել է Խամենեին։

Ինչպես նշել է Գերագույն առաջնորդը, «Ալ-Աքսա Ջրհեղեղ» գործողությունը, որն իրականացվել է Համասի կողմից 2023 թվականի հոկտեմբերի 7-ին, և Իսրայելի և դիմադրության ուժերի միջև մեկ տարի շարունակվող մարտերը հրեական պետությանը հետ են մղել այն ժամանակները, երբ այն առաջին անգամ հայտնվեց: Ըստ Խամենեիի, ռեժիմն այժմ ունի նույն խնդիրները, ինչ «իր գոյության առաջին տարիներին»։

«ՌԻԱ նովոստի»-ն էլ հայտնում է, որ Իսլամական հեղափոխության պահապանների կորպուսը հայտարարել է, որ անհրաժեշտության դեպքում կհարձակվեն Իսրայելի նավթավերամշակման գործարանների և գազի հանքավայրերի վրա։