Էդիկ Բաղդասարյան. Առայժմ կարողացել ենք պարզել, որ Ակադեմիայի 30 անդամից երկու հոգի է քվեարկել Շողակաթի օգտին

«Հետք»-ի գլխավոր խմբագիր Էդիկ Բաղդասարյանը գրում է.

«Կինոակադեմիան իր խորհրդի անդամի՝ Էդգար Բաղդասարյանի ֆիլմն է ներկայացրել «Օսկար» մրցանակաբաշխությանը: Երկու ֆիլմ էր մնացել վերջում՝ Է. Բաղդասարյանի «Յաշան և Լեոնիդ Բրեժնևը» խաղարկային ֆիլմը եւ Շողակաթ Վարդանյանի «1489» վավերագրական ֆիլմը:

Բաղդասարյանի ֆիլմը չեմ տեսել, բայց ռեժիսորներից մեկը պատմել է դրա մասին:  Բնականաբար, Էդգար Բաղդասարյանի մտքով չի անցել իր ֆիլմը հանել եւ իրենց համայնքը չներկայացնող Շողակաթին հնարավորություն տալ ներկայացնել  Հայաստանը:

Շողակաթի ֆիլմը բազմաթիվ մրցանակներ է արդեն շահել, եւ վստահ եմ, որ «Օսկարում» էլ մրցանակ կշահեր: Հիմա փորձում ենք պարզել, թե ովքեր են դեմ եղել Շողակաթի ֆիլմին եւ ինչու են քվեարկել Էդգար Բաղդասարյանի ֆիլմի օգտին:

Դե, «ազնվագույն» մարդիկ են հավաքված Կինոակադեմիայում, մեծ գաղափարներից են խոսում, իբր գաղտնիության սկզբունքն են պահում «Շարմի» Ջաղինյանի հովանու ներքո: Առայժմ կարողացել ենք պարզել, որ Ակադեմիայի 30 անդամից երկու հոգի է քվեարկել Շողակաթի օգտին»։