Մարգար Աղաջանյանը ցանկություն ունի աշխատել Հայաստանի ազգային հավաքականում

«Մեր հայրենակից Մարգար Աղաջանյանի հետ այս պահին բանակցությունների մեջ են Զիմբաբվեի ֆուտբոլի ֆեդերացիան, Իրանի ֆուտբոլի ֆեդերացիան «Ալ Քուվեյթ» և «Ալ Տադհամոն» ակումբները»,-տեղեկացնում է սպորտային մեկնաբան Սուրեն Մելիքսեթյանը։

նա նշում է՝ Աղաջանյանը կարող է գլխավորել Զիմբաբվեի ազգային հավաքականը, Իրանի Օլիմպիական հավաքականը, կամ վերոնշյալ ակումբներից մեկը:

«Սակայն, իմ տեղեկություններով 59-ամյա մասնագետը ցանկություն ունի աշխատել նաև Հայաստանի ազգային հավաքականում, հաշվի առնելով, որ մեր հավաքականն այս պահին գլխավոր մարզիչ չունի:

Մարգար Աղաջանյանը երկար տարիներ եղել է Իրանի ազգային հավաքականի մարզչական շտաբում, որը գլխավորում էր հանրահայտ Կառլուշ Կեյրուշը: Իրանի հավաքականի հետ մասնակցել է 2014 և 2018 թվականների աշխարհի առաջնություններին, գլխավորել է Իրանի Օլիմպիական հավաքականը և տարբեր իրանական ակումբներ»,-գրում է մարզական մեկնաբանը։