Ռուսական կողմը կօգնի, եթե Երևանը նման որոշում կայացնի. Կոպերկին

Ռուսական կողմը կարող է աջակցել  Հայաստանին, եթե Երևանը որոշի երկխոսություն հաստատել ԲՐԻԿՍ-ի (BRICS) հետ։ Այս մասին «Ռիա Նովոստի» գործակալությանը տված հարցազրույցում հայտարարել է  Հայաստանում  ՌԴ դեսպան Սերգեյ Կոպիրկինը։

«Եթե Երևանը որոշի երկխոսություն հաստատել BRICS-ի հետ, ապա մեր հայ բարեկամները կարող են այս հարցում ապավինել Ռուսաստանի օգնությանը»,-ասել է դեսպանն ու հիշեցրել, որ այս տարի ԲՐԻԿՍ-ի նախագահությունն անցնում է Ռուսաստանին։

Կոպիրկինն ասել է, որ այդ առումով Ռուսաստանը հայ գործընկերների հետ շփումների ընթացքում, ինչպես նաև Հայաստանի տեղեկատվական տարածքում ներկայացնում է ինֆորմացիա  ասոցիացիայի գործունեության, ինչպես նաև կառույցի՝ ՌԴ նախագահության ընթացքում առաջնահերթությունների մասին։

Հիշեցնենք, ավելի վաղ հայտարարվել է, որ գագաթաժողովին Հայաստանը կմասնակցի Նիկոլ Փաշինյանի մակարդակով։

ԲՐԻԿՍ-ի գագաթնաժողովը նախատեսված է հոկտեմբերի 22-24-ը Կազանում։

ԲՐԻԿՍ-ը (անգլ.՝ BRICS — Brazil, Russia, India, China, South Africa բառերի հապավում) հինգ երկրների խումբ, որոնց անդամ են Բրազիլիան, Ռուսաստանը, Հնդկաստանը, Չինաստանը և ՀԱՀ-ը։

ԲՐԻԿՍ-ի անդամ երկրները բնութագրվում են որպես արագ զարգացող հզոր երկրներ։ Այս երկրների բարենպաստ դիրքն ապահովում է համաշխարհային տնտեսության մեջ նրանց կարևոր դերը։