Կարեն Խաչանովը հաղթել է Փարիզի «Մասթերսի» երկրորդ շրջանում

Հայազգի ռուս թենիսիստ, աշխարհի 21-րդ ռակետ Կարեն Խաչանովը դուրս է եկել Փարիզում ընթացող «Մասթերսի» երրորդ շրջան։

Երկրորդ շրջանի խաղում նա 6:7 (12:14), 6:1, 6:4 հաշվով հաղթել է աշխարհի 31-րդ ռակետ ֆրանսիացի Ջովանի Մպետչի Պերրիկարին։ Հանդիպումը տևել է 1 ժամ 55 րոպե։

Երրորդ շրջանում Կարեն Խաչանովը կհանդիպի ավստրալիացի Ալեքսեյ Պոպիրինի հետ, ով երկրորդ տուրում հաղթել է ռուս Դանիիլ Մեդվեդևին։