Թեհրանի համալսարաններից մեկում կինը մերկացել է՝ բողոքելով հիջաբի պարտադիր կրելու դեմ

Շաբաթ օրը՝ նոյեմբերի 2-ին, սոցիալական ցանցերում հրապարակված տեսանյութում ուսանողուհին Թեհրանի համալսարանում մերկացել է մինչև ներքնազգեստը: Amnesty Iran-ը պնդում է, որ նա հետագայում բռնության է ենթարկվել, հնարավոր է` սեռական:

Իրանում մի կին ձերբակալվել է այն բանից հետո, երբ նա մասամբ մերկացել է համալսարանական կամպուսում՝ դրանով բողոքելով խիստ դրեսկոդի դեմ:
«Նա նախկինում ֆիզիկական ոտնձգությունների էր ենթարկվել անվտանգության աշխատակիցների կողմից հիջաբը ոչ ճիշտ կրելու համար»,-«Եվրանյուզ»-ի փոխանցմամբ, այդ մասին հաղորդում է Amnesty Iran-ը:

X ցանցով տարածված տեսանյութը, որը նկարահանել են համալսարանի այլ ուսանողներ Թեհրանի Իսլամական «Ազադ» համալսարանի կամպուսից նայող լսարանում, գրավել է հանրության մեծ ուշադրությունը: Շատերը ծափահարել են աղջկան իր «արիության» և «քաջության» համար։

Աղջկա ինքնության մասին դեռ ոչինչ հայտնի չէ։

Network X-ում գրառման մեջ Amnestry Iran-ը պահանջել է նրան անհապաղ և անվերապահ ազատ արձակել: