Շոյգու. Ռուսաստանը նախադրյալներ է նկատում Հարավային Կոցկասում իրավիճակի բարելավման համար

Հարավային Կովկասում իրավիճակը մնում է բարդ, Ռուսաստանը տեսնում  նախադրյալներ դրա բարելավման համար, բայց Արևմուտքը խանգարում է։ «ՏԱՍՍ»-ի փոխանցմամբ, այս մասին հայտարարել է ՌԴ Անվտանգության քարտուղար Սրեգեյ Շոյգուն։

«Ինչ վերաբերում է Հարավային Կովկասում տարածաշրջանային անվտանգությանը, ապա դրա բարելավման համար նախադրյալներ կան։ Դրան խանգարում են արտաքին խաղացողները՝ առաջին հերթին՝ արևմտյան երկրները, որոնք, մեղմ ասած, ոչ պատշաճ նպատակներ են հետապնդում։ Սա կրկին հաստատում է այն թեզը, որ տարածաշրջանային խնդիրները պահանջում են տարածաշրջանային լուծումներ»,- ասել է նա Մոսկվայում ԱՊՀ անդամ երկրների անվտանգության խորհուրդների քարտուղարների հանդիպմանը։