Բրիտանական ոստիկանությունը տեղամասի հարևանությամբ հայտնաբերել է կանեփի գործարան

Բրիտանիայում ոստիկանությունը հայտնաբերել է կանեփի մեծ գործարան, որը գտնվում է ոստիկանության բաժանմունքի հարևանությամբ։ Այդ մասին գրում է Daily Mail-ը։

Արևմտյան Ուելսում ոստիկանությունը ներխուժել է կանեփի մեծ գործարան, որը գտնվում է ոստիկանական բաժանմունքի մուտքից ընդամենը չորս դուռ այն կողմ: Տեղի բնակիչները հայտնել են, որ մեկ ամիս շարունակ թմրանյութի հոտ է գալիս տարածքում:

Սպաները ասում են, որ գործողության ընթացքում առգրավվել են կանեփի մոտ 435 թուփ և սարքավորումներ, որոնք օգտագործվում էին դրանց աճեցման համար: Չնայած հաջող գործողությանը, դեռ ոչ ոք ձերբակալված չէ, և գործի հետաքննությունը շարունակվում է։

Ոստիկանության ներկայացուցիչը տեղի համայնքին հորդորել է հայտնել ցանկացած կասկածելի գործողության մասին՝ ընդգծելով յուրաքանչյուր տեղեկատվության կարևորությունը թմրանյութերի հանցավորության դեմ պայքարում: