Բաքուն և Երևանը մոտ են խաղաղության պայմանագրի տեքստի շուրջ համաձայնությանը. Ալիև

Ադրբեջանն ու Հայաստանը մոտ են խաղաղության պայմանագրի տեքստի շուրջ վերջնական համաձայնության գալուն և կշարունակեն բանակցությունները ՄԱԿ-ի կլիմայական COP29 կոնֆերանսից հետո, որը տեղի կունենա նոյեմբերի 11-22-ը Բաքվում։ ՏԱՍՍ-ը հայտնում է, որ այդ մասին Իլհամ Ալիևը հայտարարել է Գերմանիայի կանցլեր Օլաֆ Շոլցի հետ հեռախոսազրույցում։

Իր հերթին Շոլցն ասել է, որ Գերմանիան աջակցում է Ադրբեջանի և Հայաստանի միջև խաղաղության և բարիդրացիական հարաբերությունների հաստատմանը և կողմերին կոչ է արել «համարձակ քայլեր ձեռնարկել»։

Գերմանիայի կանցլերը նաև ասել է, որ չի կարողանա մասնակցել COP29 կլիմայական համաժողովի ղեկավարների գագաթնաժողովին՝ իր երկրում ստեղծված քաղաքական իրավիճակի պատճառով։