Իլոն Մասկի Tesla էլեկտրամոբիլները ԱՄՆ-ում ճանաչվել են ամենավտանգավորները

ԱՄՆ-ի Ճանապարհների երթևեկության անվտանգության ազգային վարչությունը (NHTSA) վերլուծել է վթարների վիճակագրությունը և եզրակացրել, որ երկրում ամենաշատ մահացու վթարները կապված են Tesla էլեկտրական մեքենաների հետ: Այս մասին հայտնում է Motor.ru պորտալը։

Ուսումնասիրության ընտրանքը ներառում էր այն դժբախտ պատահարները, որոնք 2017-ից 2022 թվականներին հանգեցրել են վարորդի կամ ուղևորների մահվան: Միջին հաշվով ԱՄՆ-ում նման վթարի հավանականությունը 1 միլիարդ կիլոմետրի համար կազմել է 2,8 դեպք, մինչդեռ Tesla-ի մեքենաները վթարի են ենթարկվել 5,6 անգամ, ինչը միջինից 2 անգամ ավելի է։ Երկրորդ տեղում կորեական Kia ապրանքանիշն է՝ 1 մլրդ կիլոմետրում 5,5 ցուցանիշով, իսկ երրորդում՝ Buick-ը՝ 4,8 ցուցանիշով։

Կոնկրետ մոդելների թվում վթարների հետևանքով զոհերի ամենամեծ թիվը գրանցվել է Hyundai Venue, Chevrolet Corvette, Mitsubishi Mirage, Porsche 911, Honda CR-V Hybrid, Tesla Model Y, Mitsubishi Mirage G4, Buick Encore GX, Kia Forte, Buick Envision: