Աշխատանքային միգրանտներին ՌԴ-ում կացության թույլտվությունների ստացումը սահմանափակելու նախագիծը կներկայացվի Պետդումա

Պետդումայի պատգամավորները՝ «Արդար Ռուսաստան - ճշմարտության համար» խմբակցության ղեկավար Սերգեյ Միրոնովի գլխավորությամբ Պետդումա կներկայացնեն օրինագծերի փաթեթ, որով, մասնավորապես, առաջարկվում է արգելել կացության թույլտվություն կամ աշխատանքային քաղաքացիություն ստանալն այն աշխատանքային միգրանտներին, որոնք ներգրավվել են կազմակերպված հավաքագրման շրջանակներում։ Վերոնշյալ փաստաթուղթը «ՌԻԱ նովոստի»-ի տիրապետման տակ է։

Ինչպես «ՌԻԱ նովոստի»-ին հայտնել են կուսակցության մամուլի ծառայությունից, համապատասխան օրինագիծը Պետդումա կներկայացվի երեքշաբթի։

«Նպատակահարմար է համարվում, որ հետևյալ առաջարկները ներառվեն աշխատանքի կազմակերպված հավաքագրման համակարգի հիմնական սկզբունքներում և տարրերում... Կազմակերպված հավաքագրման շրջանակներում հավաքագրված որակավորում չունեցող օտարերկրյա աշխատողները իրավունք չպետք է ունենան ստանալ կացության թույլտվություն («կացության թույլտվություն»), ինչպես նաև Ռուսաստանի Դաշնության քաղաքացիություն»,-ասվում է նախագծի բացատրական գրության մեջ։