ԱՀԿ-ն նախազգուշացնում է ԱՄՆ-ում Օրոպուշ տենդի տարածման վտանգի մասին

Առողջապահության համաշխարհային կազմակերպությունը (ԱՀԿ) նախազգուշացրել է Ամերիկա մայրցամաքում Օրոպուշ տենդի տարածման բարձր ռիսկի մասին։ Վեստի.ռու-ի հաղորդմամբ, 2024 թվականի սկզբից այս հիվանդությամբ տարածաշրջանում ավելի քան 11,6 հազար մարդ է տուժել։

Միևնույն ժամանակ, համաշխարհային մակարդակով ԱՀԿ-ն ցածր է գնահատում Օրոպուշ տենդի հետագա տարածման ռիսկը։

Կազմակերպությունը հիշեցրել է, որ նոյեմբերի 25-ի դրությամբ վիրուսը հաստատվել է 10 երկրում և 1 ամերիկյան տարածքում բնակվող 11 634 մարդու մոտ, 2 դեպք՝ մահացու ելքով։ Հիվանդությունը հայտնաբերվել է Բոլիվիայում, Բրազիլիայում, Գայանաում, Կայմանյան կղզիներում, Կանադայում, Կոլումբիայում, Կուբայում, Պանամայում, Պերուում, ԱՄՆ-ում և Էկվադորում։

Օրոպուշի տենդը արևադարձային վիրուսային վարակ է: Այն անվանվել է Օրոպուշ, քանի որ հենց այդ  գետի մոտ է առաջին անգամ հայտնաբերվել և մեկուսացվել վիրուսը: Բրազիլիայում այն հայտնաբերվել է 1960 թվականին։