Արսեն Զախարյանը վնասվածքից հետո առաջին անգամ մարզվել է «Ռեալ Սոսյեդադի» կազմում

Իսպանական «Ռեալ Սոսյեդադ» ֆուտբոլային ակումբի կիսապաշտպան Արսեն Զախարյանը վնասվածքից հետո սկսել է մարզվել ընդհանուր խմբում։ Այս մասին հայտնում է ՏԱՍՍ-ը՝ ակումբի մամուլի ծառայությանը հղումով։

Ավելի վաղ Զախարյանի ներկայացուցիչ Գենադի Գոլուբինը Sport Express-ին հայտնել էր, որ կիսապաշտպանը մինչև տարեվերջ կարող է հանդես գալ ակումբում։

«Մի անհանգստացեք, ամեն ինչ լավ է լինելու։ Հուսով եմ, որ մինչև տարեվերջ ժամանակ կունենա խաղալու։ Բայց ես չեմ կարծում, որ դա կստացվի կիրակի օրը «Լեգանեսի» հետ խաղում»,- ասել է Գոլուբինը SE-ին:

Հուլիսի 30-ին հայտնի էր դարձել, որ կիսապաշտպանը վնասվածք ունի, որը ստացել է հուլիսի 17-ին մարզման ժամանակ։ Ֆուտբոլիստը բարեհաջող վիրահատվել է։ Զախարյանն այս մրցաշրջանում ոչ մի հանդիպում չի անցկացրել։