Այսօր Մոսկվայում Պուտինի և Փաշինյանի միջև հանդիպումներ նախատեսված չեն. Պեսկով

Դեկտեմբերի 13-ին Մոսկվա կատարած այցի համատեքստում Պուտինի և Փաշինյանի հանդիպման պլաններ չկան։ Այդ մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի թղթակցի հարցին։

Ըստ նրա՝ Փաշինյանին անպայման կսպասեն Սանկտ Պետերբուրգում՝ ԱՊՀ ոչ պաշտոնական գագաթնաժողովում։

«Նախագահը հրավիրել է Փաշինյանին և մյուս գործընկերների հետ Սանկտ Պետերբուրգում սպասում է նրան ավանդական հանդիպմանը, որը ոչ պաշտոնական է, բայց միևնույն ժամանակ այնտեղ կլինեն ԱՊՀ-ն և ԵԱՏՄ-ն։ Օրակարգը բովանդակալից է»,-ասել է նա:

Ավելի վաղ հայտնի դարձավ, որ Նիկոլ Փաշինյանն աշխատանքային այցով ժամանել է Ռուսաստանի Դաշնություն։

Այսօր Մոսկվայում՝ Փաշինյանի գլխավորությամբ, տեղի կունենա Եվրասիական միջկառավարական խորհրդի հերթական նիստը։