Օդանավի կործանումից փրկվել է 28 մարդ, նրանցից 2-ը երեխաներ են

«Ադրբեջանական ավիաուղիներ» ընկերությանը պատկանող Բաքու-Գրոզնի չվերթի օդանավի կործանումից փրկվել է 28 մարդ։ Նրանիից երկուսը երեխաներ են։ Այս մասին հայտնել է Ղազախստանի ԱԻ նախարարությունը։

ԶԼՄ-ները հրապարակել են օդանավում գտնվողների ցանկը։ Տարածված նախնական ինֆորմացիայի համաձայն, ուղևորներից 37-ը եղել են Ադրբեջանի քաղաքացիներ, 6-ը՝ Ղազախստանի, 3-ը՝ Ղրղզստանի, 16-ը՝ Ռուսաստանի։ Ավելի վաղ հայտնել էին, որ օդանավում եղել է 67 մարդ, որից 5-ն անձնակազմի անդամներ են։

Նախնական  տեղեկատվության համաձայն, ինքնաթիռը մխրճվել է թռչունների երամի մեջ,  ինչից հետո կործանվել է։ Դեպքի վայրում աշխատում են բժիշկների, փրկարարների խմբեր։