Գերմանիայում տոնավաճառում տեղի ունեցած ահաբեկչության զոհերի թիվը հասել է վեցի

Գերմանիայի Մագդեբուրգ քաղաքում ամանորյա տոնավաճառում դեկտեմբերի 20-ին տեղի ունեցած ահաբեկչության հետևանքով զոհերի թիվը հասել է 6-ի։ Այս մասին հայտնում են գերմանական ԶԼՄ-ները։

52-ամյա կինը մահացել է ստացած վնասվածքների հետևանքով։ 

Հիշեցնենք, որ 50-ամյա սաուդցի տղամարդը BMW մակնիշի մեքենայով մխրճվել է տոնավաճառի տարածքում գտնվող մարդկանց մեջ։ Վերջին տվյալների համաձայն, զոհվել է 5 մարդ, այդ թվում իննամյա մի երեխա, 200 մարդ տարբեր աստիճանի վնասվածքներ է ստացել։